Concors de novèlas en occitan (e en francés tanben) fins al 4 de febrièr de 2027

Lo Lector del Val (associacion de las bibliotècas de Lauragués), organiza un concors d'escritura en occitan (e en francés), dobèrt a totes, e que comença per una frasa impausada.

"Es en anant a l'entrainament de rugbí que l'idèa li es venguda."
Escrivètz la seguida !

Las bibliotècas del Lector del Val (associacion de bibliotècas de Lauragués / sud-èst tolosan) organizan lor XVen concors de novèlas en occitan\\\\, dobèrt a totes e a gratís, fins al 4 de febrièr de 2027.
.
Lo concors prepausa quatre categorias : primàri, segondàri, licèus, adults (los tèxtes collectius son permeses se fan partida de l’ensenhament d’una classa tota). Lo tèxte deu necessariament començar amb la frasa çai-sus. Lo genre demòra liure : fantastic, policièr, sciéncia-ficcion, istoric, romanèsc, aventura, etc… o pas brica de genre que siá.
Totas las variantas de la Lenga d’Òc son planvengudas, a carga pel participant de passar l’incipit dins son dialècte pròpi.
Se pòt tanben participar en francés, a partir de la frasa : "C’est en allant à son entraînement de rugby que l’idée lui est venue."
.
La remesa dels prèmis se debanarà lo 29 de mai de 2027 a la bibliotèca d'Aurevila e la remesa dels recuèlhs de novèlas als autors es prevista per la dintrada (septembre-octobre) de 2027. Un CD audiò de tèxtes occitans causits per la jurada serà fargat en mai de l’edicion del libre.
.
Per mai d'entresenhas o per obténer lo reglament : info@lecteurduval.org
o lèu-lèu sus la pagina : https://www.lecteurduval.org/310-concours-nouvelles.html.
.
\\\\\\ Lo concors d'escritura en occitan es sostengut pel Conselh departamental de Garona-Nauta