Aperçu de la description
La fèsta occitana torna los 14 e 15 d’agost que venon ! Musica, dança, contes, passa-carrièira, balètis, jòcs, etc., una imersion totala dins la cultura occitana ! La fèsta occitana torna los 14 e 15 d’agost que venon ambe Alan Roch, Feubrèche, Laurent Cavalié e plan segur Buf en Tust e La Talvera ! Programa : Divendres 14 d’agost : \- 11H-18H : los jòcs de fusta de Vam e Nhac (plaça de la Brida) \- 16H-17H : presentacion, ambe de cants, de l’exposicion La cançon de la tèrra, sus las practicas agricòlas ancianas, ambe Daniel Loddo e Celina Ricard \- 17H30 : Fèsta dels Cornards ! (partença de l’ostal Fontpeirosa) ambe Buf en Tust \- 21h30-23h : passejada contada als brandons (partença del mercat cobèrt) ambe Alan Roch, Celina Ricard et Daniel Loddo Dissabte 15 d’agost : \- 11H-18H : los jòcs de fusta de Vam e Nhac (plaça de la Brida) \- 11H-17H45 : salon del libre e del disc occitan (plaça del mercat cobèrt) \- 11H-12H30 : passa-carrièira ambe Buf en Tust (partença del bas de Còrdas, arribada plaça del mercat cobèrt) \- APUÈI-MIÈGJORN : musica e animacions per carrièiras ambe Buf en Tust e los musicians presents (dins la vila) \- 18H-19H : initiacion a las danças occitanas (plaça del mercat cobèrt) \- 19H : granda serada balèti ambe Feubrèche, Laurent Cavalié e La Talvera, ambe lo passatge de la tradicionala bufatièira (plaça del mercat cobèrt) / pichona restauracion e estranquet Del 3 d’agost al 7 de setembre : mòstra La cançon de la tèrra, sus las practicas agricòlas ancianas (cort de l’ostal Fonpeirosa) Accès libre e gratuit ! Albergament dins los entorns e bivac possible (nos contactar).
